zaterdag 21 oktober 2017

Pee Ee Cee

Hallo allemaole,
Ie kent het allemaole weh, in Wietum is altied wat te doen, zo stiet het stoplicht op rood en daorno weer op groen.
Wak zeg'n wolle, d'r is heel wat tumult ewest in Wietum, want Pee Ee Cee was in Wietum, daor hef Alfred Meiberg veur ezurgt.
D'r mos van alles gebeur'n en d'r waar'n veule vriewilligers neudig umme alles deur te lot'n gaon. Maor tis allemaole glad verlop'n. En as dank mochte wie naor het grote stadion in de stad umme een wedstried te zien , dan konde wie op de hoofdtribune zit'n. Det kon ie toch niet bedenk'n as boertie van buut'n. 

Nao de wedstried werde wie verrast met un happie en een drankie, het ienige wat er an ontbrak was een lekker sigaartie, maor det mui d'r zelf maor bie bedenk'n.
Het was a late de'k naor huus an ginge en de vrouwe die thuus was ebleem'n  wol nog weh graag een gehaktballegie, dus die zo'k met nem van de snekbar. Maor het liep allemaole net effen anders. Ik hadde toch ien drankie te veule ehad, de weg was twee keer zo lange ewurden en noe ha'k de wind ok nog teeg'n en ik mosse dan ok flink trapp'n op mien fietse. Thuus he'k de vrouwe de gehaktballe egeem, en die balle he'k direct naor de kop eslingert ekreeg'n, de vrouwe hellig, want het dink was kolt ewurde'n
Afijn, 't was een mooie dag.
Wa'k nog effen zeg' wolle, wie wens'n Joop in het Veld van harte betterschop!

De groet'n
Hendrik

Geen opmerkingen:

Een reactie posten